This is an example of a HTML caption with link themeforest.net.
“Һәр бала өчен ишекләребез ачык”
 
Телләр өйрәнергә бервакытта да соң түгел. Мин – 80нче елларда Казан мәктәбендә
белем алган татар кешесе. Ул елларда ана теле җиденче дәрес булып кына керә
иде. Билгеле, нигездә, урысча аралашабыз. Укытучыларыбыз Наҗия Сәлаховна,
Туйгөл Зиннәтовна йогынтысы зур булды безгә. Бигрәк тә урыс теле
укытучысыныкы. Ул гарәп теле курслары да алып бара иде. Без, үсмер малайлар,
аңа тел өйрәнергә килдек. Ә ул безгә: “Балалар, сез башта туган телегезне яхшылап
өйрәнегез, аннары минем дәресләргә килерсез”, - диде.
Бу минем өчен бик әһәмиятле сүзләр булды. Шул чордан башлап, туган телемә
игътибарлы булдым, нык өйрәндем. Аннан соң китапханәчебез - Киев
университетының чит телләр факультетын тәмамлаган Татьяна Александровна
миндә испан теленә мәхәббәт уятты – аннан дәресләр алдым.
Мәктәпне тәмамлагач, югары уку йортының чит телләр факультетына укырга
кердем. Дипломым буенча гарәп һәм инглиз теле белгечемен. Хәзер дә инглиз
әдәбиятыннан дәресләр алып барам. Ә менә төрек телен 36 яшемә җиткәч
өйрәндем. Төркиягә ял итәргә баргач, бу ил халкының телен белмәү зур кимчелек
булып тоелды. Соңгы биш елда төрек телен билгеле бер системага салып, камил
дәрәҗәдә өйрәндем. Яраткан язучыларым да бар. Хәзер шәхси китапханәмдә төрек
язучыларының берничә дистә китаплары тора.
Тел өйрәнүне көн саен дәвам итсәң генә, аны камил итеп өйрәнергә мөмкин. Мин
моны беләм инде. Күп тел белү чикләрне җимерә, дөньяны өйрәнү, күзаллау колачы
зурая.
Полилингваль мәктәп ачу хыялым иде. Әле 2002 елда узган “Ел укытучысы”
бәйгесендә аның концепциясен дә якладым. Моннан ундүрт ел элек, 165нче
мәктәпкә директор итеп билгеләнгәч, гап-гади микрорайон мәктәбен тирәнтен инглиз
һәм татар теле өйрәнү үзәгенә
әйләндерү процессын башлап җибәрдек. Һәм без үз максатыбызга ирештек. Бүген
“Адымнар” ачылу – хыялымның чынга ашуы.
Әлбәттә, күзләрең никадәр янып торса, бу зур эшне ялгызың гына башкарып чыга
алмыйсың. Минем янәшәмдә – көчле коллективым. Кадрлар мәсьәләсе директордан
тора. Шуңа да җитәкче башкалар күңелен күрә белгән олы йөрәкле, мәрхәмәтле
кеше булырга тиеш.
Ә менә мотивация сүзен яратмыйм. Сез дә бит, әни кеше буларак, көн саен үзегезгә
мотивация тудырып ятмыйсыз. Сезнең вөҗдан дигән сыйфатыгыз бар. Беләсез:
балага яхшы тәрбия бирергә кирәк һәм моның өчен кулыгыздан килгәннең барысын
да эшлисез.
Без дә коллективыбызда гаилә принципларына нигезләнәбез. Һәр кеше үз бурычын
белә. Мәктәпкә эшкә килгән укытучылар бездән бик сирәк китә. Коллективны
булдырганда тирә-ягымда үз эшенең осталары күп иде. Аннан соң хәят юлымда
очраган кеше күңелемә якын булса, аны инде җибәрмим – һәрвакыт тыгыз элемтәдә
торам.
Элек мәктәптә бергә укыган кешеләр – хәзер минем коллегаларым.
Укытучыларыбызның барысы да – үзебезнең Республика егет-кызлары. Алар өстәмә
әзерләү курслары узды.Дәресләрне, татар, урыс, иглиз телләрендә алып барабыз.
Татарстан Президенты ярдәме белән махсус безнең мәктәп өчен Россия
стандартлары буенча язылган дәреслекләрне инглиз теленә тәрҗемә итә алдык.
Татарстан районнарыннан гына түгел, чит төбәкләрдә яшәүче милләттәшләребез дә
балаларын бездә укыту теләге белән элемтәгә чыга. Интернатыбыз бар. Бүгенге
көндә анда 50 бала яши. Мәскәү, Уфа, Ульян, Саратов өлкәләреннән балалар укый.
Әлбәттә, бездә белем алган балалар татар телен белергә тиеш. Монысы – төп
шартыбыз. Белем алырга мотивациясе булган, әти-әнисе безнең карашны
уртаклашкан һәр бала өчен ишекләребез ачык.
 
Айдар ШӘМСЕТДИНОВ,
“Адымнар” исемле күп телле белем бирү комплексы директоры.

Хәбәрләр

В Израиле отправился в Мир Иной бывший редактор еврейских передач "Радио-7 из Самары" Зиси Вейцман

Умный был мой друг. Интеллигент. Писатель. Поэт. Хороший семьянин. Отменный воспитатель. Мы с ним были всегда открыты. Я его уважал, как талантливого человека. Даже в годах у него сохранились детские черты.

Иман сүзен оныттырма

Илаһым, сорыйм синнән Җиңел кылгыл хисабымны Кыямәт көне булганда Кулыма бир Китабымны.

Татарча сөйләшә торган курчакларның беренче үрнәкләре чыккан «Гомәр» белән «Гөлбикә» балалар бакчаларына да кайтарылачак.

Татарча сөйләшә торган курчакларның беренче үрнәкләре чыккан. Бу хакта «Татар-информ» хәбәрчесенә проект авторы Эльза Хөснетдинова сөйләде. Милли киемнәрдәге Гомәр һәм Гөлбикә исемле курчаклар 12-13 җөмлә әйтә. Малайны — малай, кыз курчакның сөйләмен кыз яңгырата. «Проектның мәгънәсе шул: кечкенәдән баланы милли мохиткә җәлеп итү, баланың татар телен өйрәнүгә кызыксынуын уяту өчен», — диде Эльза Хөснетдинова.

“Һәр бала өчен ишекләребез ачык”

Телләр өйрәнергә бервакытта да соң түгел. Мин – 80нче елларда Казан мәктәбендә белем алган татар кешесе. Ул елларда ана теле җиденче дәрес булып кына керә иде. Билгеле, нигездә, урысча аралашабыз. Укытучыларыбыз Наҗия Сәлаховна, Туйгөл Зиннәтовна йогынтысы зур булды безгә

1 из 201